Önnur bók

Aðeins meira um nýútkomnar bækur. Fyrir ekki svo ýkja löngu síðan kom út bókin Eftir skyldu míns embættis, prestastefnudómar Þórðar biskups þorlákssonar árin 1675-1697, samantekin af mínum ágæta kennara Má Jónssyni. Þetta er bók sem ég þykist eiga örlítinn hluta í ásamt öðrum nemendum í handritalestri á vormisseri 2007. Í því námskeiði fengum við einmitt það verkefni að skrifa upp kafla úr dómum Þórðar. Mjög skemmtilegt verkefni og lærdómsríkt þannig að ég efast ekki um að bókin er bæði skemmtileg og fróðleg.... fyrir þá sem á annað borð hafa gaman af sagnfræði.